زاہد بشیر پریمیئر انشورنس کے چیئرمین ہیں ۔آپ کا تعلق کریسنٹ گروپ سے رہا ہے جو پاکستان کا سب سے پرانا، معروف ترین اور سب سے بڑا کاروباری گروپ ہے۔زاہد بشیر نے اپنی کاروباری جدوجہد میں شاندار کامیابیاں حاصل کیں اور آپ کوپاکستان کی کاروباری برادری میں بڑی عزت اور احترام کا مقام حاصل ہے۔ اپنے 50 سالہ کیریئر میں آپ نے بیرون ملک کئی تجارتی وفود میں پاکستان کی نمائندگی کی ، اورآپ کئی کاروباری شعبوں میں گہری دلچسپی رکھتے ہیں جن میں ٹیکسٹائل، اسٹیل انشورنس، پراپرٹی ڈیولپمنٹ اور این جی اوزشامل ہیں۔ زاہد صاحب کا پورٹ فولیو، وسیع اور متنوع انتظامی اموراور سرمایہ کاری پر مشتمل ہے اور آپ کا کیرئیر اور ساکھ سخت محنت، پیشہ ورانہ طرزعمل،جوش و جذبہ اور ہم آہنگی پر مبنی ہے۔
50 سال کی محنت کے باوجود زاہد صاحب کی توانائی میں کوئی کمی نہیں آئی۔ پریمیئر انشورنس کی ذمہ داریوں کے علاوہ آپ سورج کاٹن ملز لمیٹڈ، ایکوئٹی ٹیکسٹائلز لمیٹڈ کے کاروبار کو سنبھالتے ہیں اور اپنے وقت کا ایک بڑا حصہ رضاکارانہ سرگرمیوں میں صرف کرتے ہیں ۔آپ نے پیسنٹس ایڈ فاؤنڈیشن کے چیئرمین کی حیثیت سے بھی کام کیا ہے اور آپ انسٹی ٹیوٹ آف بزنس ایڈمنسٹریشن کے بورڈ آف گورنرز میں بھی شامل ہیں۔ اپنے طویل کیریئر میں زاہد صاحب اہم قومی اہمیت کے عہدوں پر فائز رہ چکے ہیں جن میں کئی مرتبہ کراچی کاٹن ایسوسی ایشن کے چیئرمین، آل پاکستان ٹیکسٹائل ملز ایسوسی ایشن کی منیجنگ کمیٹی کے ممبر،کراچی پورٹ ٹرسٹ کے بورڈ آف ٹرسٹیزکے رکن اور فیڈریشن آف پاکستان چیمبرآف کامرس اینڈ انڈسٹریز کی منیجنگ کمیٹی میں شامل رہے ہیں۔